Zindagi---Kya ho tum

Itna batade mujhe ae zindagi
Ke tu kis shay ka naam hai
Hai tu ek bala jo madhosh karti hai
Ya koi aanchal jo aaghosh mein bharti hai

Kya nasha tera saza ka ek aks hai
Ya khushnami ka tu chahekta raks hai
Kya guzar tera dilkashi ka mausam hai
Ya patjhad ki tu shabnam hai
Khwabon ke haqeeqat ki aarzoo hai
Ya sach se roz marrah ki justajoo hai
Ishq o izzat ki taabeer hai
Ya ranj o nafrat ki tasweer hai
Qehqahon ke tahhaqon ki sada hai
Ya sannaton ki posheeda ada hai
Insaan ke urooj ki zinda misaal hai
Ya kissa aadmiyat ke dhalte zawaal ki hai
In sawaalon mein chupi koi jawab hai
Ya jawabon mein shamil khud ek sawaal